Skip to Content
Çò que foguèt, aquò serà ; çò que se faguèt se farà.

Recèrca per categorias

Categorias
vida espirituala/intellectuala/artistica
Tota mena de simonia (de trafec espiritual) es un pecat gròs.
Te laisses pas condicionar per la servitud de la mòda.
D'unes crestians dison gràcias abans o après un repais.
Lo crèdo latin se cantava a plec de gargalhòl (a fimple de cap).
Cal pas jamai dramatizar dins la vida, que servís pas de res.
La mòda e las costumas tanben s'erotizan de mai en mai.
Tota descolonizacion es totjorn una brava liberacion.
Sabi pas çò qu'a dins l'ase: sabi pas çò que se pensa.
Un rector (curat) muscat es un capussat, un dignitari.
Lo Conselh d'una glèisa s'apèla la Fabrica de la glèisa.
Ton rasonament confina a l'asenada (rasonas coma un esclòp).
Las completas son la pregària del ser d'un prèire o d'un religiós.
Qualque còp (de còps) l'òme es un animal rasonable.
Lo rire es lo pròpri de l'òme, ço dison, mas o cresi pas.
Fòrça mond (gens) creson en Dieu, mas practican pas.
Aquel libre es vertadièirament una mina d'entresenhas.
Los Òrdres minors son: portièr; legeire; acolit; exorcista.
Se far un nom vòl pas dire grand causa, que tot es passadís.
Una monstrança de glèisa se ditz tanben lo sant solelh.
Un Francés cultivat deuriá tanben mestrejar l'occitan.
L'ajuda a las lengas minoritàrias es pas qu' una mascarada.
Sa crotz pectorala, un evesque la pòrta sus la peitrina.
Se ligar las mans es un sinonim de pèrdre sa libertat.
Conéisser pas la lenga d'un país es una brava manca.
De paraulas malsonantas (paraulas que son pas convenablas).
Fòrça institucions e fòrça escòlas son estadas laicizadas.
Ipolit, ton rasonament es irracional da pers. del sing. Ten-lo coma cal. ">(ten pas drech).
Las glèisas, autres còps, èran d'asils (de refugis) inviolables.
Assolidas (afortisses) aquò gratuitament (sens pròvas).
Polemicar es pas mon fòrt: es pas çò que mai aimi.
La quaresma (la caresma) es un temps de peniténcia.
Sonar las campanas a brand vòl dire sonar en grand.
D'unas passions animalizan l'òme bravament (fòrça).
Los marges del libre èran totes claufits d'annotacions.
Qualqu'un d'antireligiós fa bravament pròva d'intolerància,
Aprigondir una question: l'estudiar plan coma cal.
Un archivesque es un evesque màger de vila màger.
Quand òm es pas segur de quicòm se cal gardar d'o afortir.
Desrasonar vòl dire repapiar / desparlar / rasonar pas.
Se cal ben resignar a beure lo calici de l'amarum de la vida.
Una responsa canda es una responsa clara e onèsta.
Un capelan es encargat (es en carga) del servici d'una capèla.
Un curat es en carga (es encargat) del servici d'una parròquia.
Un prèire catolic es estat ordonat (con sacrat) per son evesque.
Monsen l'abat es lo títol passapertot de tot prèire catolic.
Qué son aquelas comparasons ! (aqueles rasonaments).
Aquò es pas de bon concebre: es de mal imaginar.
Cal pas somiar dins la vida: se cal con formar a la realitat.
Romieg fa pròva d'una contencion granda d'esperit.
Cala-te, que rasonas coma un esclòp (que desparlas).
Pels cresents, lo Totpoderós es l'autor de l'Univèrs.
A un estil fòrt ampolat (fòrt emfatic / emfatic quicòm).
Çò melhor es de soscar abans d'entreprene quicòm.
Lo Conselh de Comuna (lo Conselh municipal) s'amassèt.
Fabricians e mairilhièiras s'ocupan de la Fabrica de glèisa.
La mòrt o aplana tot: problèmas, colèras, afans (tot çò penible).
Un bedèl es un sacristan de glèisa granda o de catedrala.
Ieu, s'èri tu, metriái un bemòl a una afirmacion aitala.
Lo bonaur (bon ur) terrèstre es tròp passadís (efemèr).
Aquel roman es de primièira borra: es de flor (es fòrt bon).
L'astronomia, ) ">òc, soi plan d'acòrdi ! L'astrologia, non!
Ço di son (di son) que lo rire es un atribut de l'òme.
Me fisi pas (me mesfisi) dels augurs / dels devinaires.
Un espectacle pòt èsser corruptor ; una lectura corruptritz.
Ai agut confessat un brieu en occitan; ara, un pauc mens.
La secreta èra una pregària de la Messa, dicha a sota votz.
Las Completas son la pregària del ser d'un òme de Glèisa.
Ganhar Pascas es far la comunion pascal a (de Pascas).
Un damne es un renèc (una insoléncia contra Dieu).
Damnejar vòl dire escopir de damnes (insolentar Dieu).
En lenga parlada, un decan de glèisa es « un curat capussat ».
Es pas polit de decelar (denonciar), qu'es lord que jamai!
Se decelèt (se remarquèt / se devinèt) que s'enganava.
Calendas (los Nadalets) : los dotze jorns abans Nadal.
Un nadalet es un cantic de Nadal o un cant de Nadal.
Me respondèt cinicament que la morala, el se'n virava.
Lo drech canon concernís las leis, las règlas de la Glèisa.
Ieu lo vesi pas clar, l'avenidor: lo vesi pas clarament.
Los monges clastrats son enclauses dins un clastre.
Un prèire pòt binar (dire doas messas) lo dimenge.
Per criticar, rai! sufís d'èsser pas un lum (d'èsser bèstia).
Sa crotz (sa dolor granda) cadun la se pòrta coma pòt.
Per cubar un nombre lo cal portar a la poténcia tres.
Un curat es un prèire responsable d'una parròquia.
Un prèire sens parròquia se pòt totjorn sonar « abat ».
Un Abat es responsable d'una abadiá (d'un monastèri).
Las linhas d'un tèxt que se cavalejan son de mal legir.
Çò que dises es sens cap ni centena: a pas ni coa ni cap.
Un Josèp (un certan Josèp) prenguèt per femna una Marià.
Te desulhes pas (te cures pas los uèlhs) a legir d'asenadas.
A pas mai de devocion qu'un ase bastat (es pas ges devòt).
Totes los parlars (totes los dialèctes) son de respectar.
Tota discriminacion religiosa o raciala es de condemnar.
La doctrina èra lo mot popular per dire lo catequisme.
Un catecumèn estúdia los rudiments de la religion.
La Maire Dolorosa es Nòstra Dòna de las sèt dolors.
L'orason dominicala es lo Paire Nòstre (lo Pater noster).
Lo Drech Canon es lo drech de la Glèisa de Roma.
Lo drech Civil es lo drech d'una republica o d'un estat.
Lo bonaür (lo bonur), ailàs! es pas de durada (dura pas).
Efemèra (passadissa) la glòria terrèstra, que morís quand tu.
Sa companha a sus el una accion efeminairitz (que l'efemina).
L'encarnacion del mal: la figura emblematica del mal.
La votz endormenta del conferencièr nos fasiá badalhar.
La manna èra lo manjar miraculós mandat del Cèl dins lo desèrt.
Ara, es lo melat (secrecion sucrada) d'unes arbres per temps caud.
Ai ausida (ai entenduda / ai seguida) la messa grand.
S'entendi plan (se compreni plan) siás vengut revolucionari.
Lo Macari se geina pas per far d'entòrsas a la vertat!
Me faguèt una responsa fòrt entortibilhada (enrambolhada).
Entre ieu (en ieu meteis) me disiái qu'aquò èra pas possible.
La pagina envèrsa es l'esquina de la pagina que se ditz lo versò.
Li escalciguèri (expliquèri) ben pro mas rasons, mas en van.
Una morala escambarlada es una morala fòrt laxista.
Un autor autoeditat es totjorn escars d'argent (a cort d'argent).
Sa pretenduda sciéncia es puslèu escarsa (puslèu corteta).
La tissa d'escriure se pòt mudar en una mena de dròga dura.
Aquela tissa d'escriure pòt menar a escrivalhar (mal escriure).
Una idèa que coava dins son cervèl finiguèt qu'espeliguèt.
Espelucava (estudiava menimosament) los manuscrits.
Ni per espepidar (corregir menimosament) de decas demòran.
La vida espirituala lo tafura pas gaire (lo preocupa pas gaire).
Me faguèt responsa fòrt espiritualament (espirituosament).
L'espiritualisme es una doctrina opausada al materialisme.
Per esséncia (per natura), l'amna (l'arma) es immortala.
Essencialament (per natura), lo còrs uman es mortal.
Lo divendres fasiam las catòrze estacions del Camin de Crotz.
Una estala es un sèti de canonge dins una catedrala.
Un curat estirador es un curat fòrt longanha pels oficis.
La Bona Novèla es la vida, la Passion, la mòrt e la resurreccion de Jèsus.
Un evesque es un prèire mitrat que mestreja una diocèsi.
Una evesquessa es la femna d'un evesque anglican.
Una evesquessa es tanben una abadessa mitrada de mostièr catolic.
Una mitra es una mena de capèl pels oficis religioses.
Una abadessa mestreja una abadiá (un monastèri de femnas).
Dins çò evident i a pas cap de plaça per cap de dobte.
Après examèn, vegèron plan que l'Evarist aviá mentit.
Cal execrar (aborrir) tota forma d'intolerància linguistica.
Nos cal exercir nòstre drech de parlar e d'escriure en occitan.
Cal exigir imperativament la Libertat, l'Egalitat e la Fraternitat.
Nòstra lenga mairala es per nosautres quicòm d'existencial.
Demandam pas quicòm d'exorbitant (quicòm que passa l'òsca).
Cadun a lo drech d'expausar son punt de vista e sas idèas.
Amb sas idèas explosivas se faguèt remandar de pertot.
Exprimar o exprimir una idèa es expausar un punt de vista.
S'exprimar o s'exprimir es parlar per dire quicòm.
Cal pas creire a cap de fachilha ( a cap de sortilègi).
Un rasonament sens falha es un rasonament sens defaut.
Sèm totes falhibles, que nos podèm totes totes enganar.
La fallocracia es la dominacion de l'òme sus la femna.
Un fallocrata es un òme que fa pròva de fallocracia.
Falsejar un document es lo falsificar (lo farlabicar).
Tota mena de fanatisme es de condemnar e de reprimir.
Non, tota fantasiá es pas un defaut, tant se'n manca.
Un fascista es un sectari d'un ultranacionalisme exclusiu.
Cal pas èsser fatalista, que lo malparat es pas inevitable.
Òsca pel femenisme mas que (a condicion que) siá pas sectari !
Es una asenada d'escriure l'occitan a la francimanda.
Una asenada fenomenala es una bestiorlada enòrma.
M'es de fèr (m'es penible) de véser morir ma lenga mairala.
Vesi pas lo fil conductor d'aquel libre: deu èsser lo fil de sa religadura.
La vesina Filomena nos disiá que filosofar fa pas manjar.
La tolerància es la condicion formala de l'unitat occitana.
Son estil a ganh at en concision e, atanben, en rigor.
Un àngel gardian es un àngel tutelar que garda qualqu'un.
Lo general dels Jesuítas : lo superior general de lor òrdre.
La Maire Generala d'una congregacion es lor Superiora.
Lo gèni es una aptitud que despassa fòrça la normala.
Lo gèni de Mistral, de Bodon, de Rimbaud, de Pascal.
Se glorificar servís pas a res, que la glòria es bufèca.
La gloriòla tanben (la vana glòria tanben) es bufèca.
Aquel arquitècte a pas ges de gost, que fa pas res d'artistic.
S'aviás un grama d'èime, te pausariás pas aquela question.
La remirabla gramatica d'Alibèrt es son òbra mèstra.
Sens ideal un òme es pas res de tot o pas grand causa.
Lo passat s'idealiza (sembla pus polit) totjorn dins lo sovenir.
Las idòlas son los dieus que los òmes se son fargats.
Un o una idòla: persona o causa objècte d'un culte extraordinari.
Una idra es un mostre mitologic fòrça multifòrme.
La libertat pòt pas jamai èsser illimitada (sens limits).
Renegar sa lenga mairala es illogic e indefendable.
Un illustrat es una revista amb fòrça fotòs e dessenhs.
Se cal pas imaginar (figurar) la mòrt coma una fin.
L'esperit es immaterial. Una trèva tanben es immateriala.
Çò immaterial escapa sovent a nòstre entendament.
La baptisme per immersion se practica dins d'unes airals.
Degun es pas estat immunizat contra la mòrt corporala.
Cal demorar imparcial, mas es pas totjorn de bon far.
La vida es sovent claufida (plena) d'imponderables.
Far imprimir (far estampar) un libre, rai! mas après?
Sciéncia e Fe son pas incompatiblas (se pòdon endevenir).
Sèm totes incompetents (incapables) dins fòrça domenis.
Es inconcebable de poder pas servar sa lenga mairala !
Defuntèt inconfés (se confessèt pas abans de morir)
Ton rasonament es inconsistent (es flac que jamai).
Tot responsable de quicòm deuriá èsser incontestable.
Los àngels son incorporals (son d'esperits : an pas de còrs).
Un tèxt incorrècte es claufit (plen) d'incorreccions.
L'indigéncia desvaloriza (rebais sa) la persona que ne patís.
Lo maridatge catolic valid (valable) es indissoluble.
Quand lo consentament es nul, lo maridatge es nul.
L'immortalitat de l'arma es inerenta (estacada) a sa natura.
Tant val (val mai) demorar pas inèrt davant un malparat.
Degun es pas infalhible, que se pòt totjorn enganar.
Degun a pas la sciéncia infusa (inerenta a son èime).
Un evesque in partibus es un evesque en país pagan.
L'Inquisicion catolica foguèt un tribunal vergonhable.
L'inspiracion d'un artista es una mena d'illuminacion.
Un(a) integrista es un(a) tradicionalista forsenat, -ada.
Un sant recèrca mai que mai las riquesas intemporalas.
La vertat, la sinceritat, la santetat... son intemporalas.
Defugir tota mena d'intolerància es un dever màger.
L'ironia es un biais de s'exprirnar puslèu trufandièr.
Un o una ironista es una persona qu'ironisa (que se trufa).
La pèrdia de nòstres manuscrits ancians es irrecuperabla.
Un manuscrit original (autentic) es una pròva irrecusabla.
Ma decision es irrevocabla, que cambiarai pas d'idèa.
Un jacobin es un adèpte del centralisme (de la centralizacion).
França e mai que mai París son totjorn estats fòrt jacobins.
I a quicòm que junta pas (que truca) dins ton rasonament.
Lo labirint de las leis es lo malhum complicat de las leis.
Un estil laboriós es un biais d'escriure fòrt penible.
A la glèisa, sul letrièr, se pausava lo libre grand dels cantaires.
Tot lingúicid es un crim contra la cultura e l'umanitat.
Las litanias son una cordelada d'invocacions religiosas.
Revirar un tèxt es lo tradusir (lo traduire) dins una autra lenga.
Una revirada tròp literala evacua tota la personalitat d'un tèxt.
Revirar literalament de poesia es un massacre abominable.
Una revirada literària assaja de servar çò mai possible.
Fai-me lum se ne siás capable, que compreni pas aquò.
Qual a pas jamai somiat de qualque país plan lunhan?
Lo Juli èra magnetizat (falquetat / pivelat) per l'orator.
Es magnific de poder parlar, legir e escriure l'occitan.
Far magre, per un catolic, es manjar pas de carn lo divendres.
Los magues èran de prèires venguts del Levant (d'Orient).
Los reis magues de Nadal èran Melquiòr, Gaspard e Baltasar.
M'estimi plan mai èsser un Occitan que non pas un Francés!
La Fabrica d'una glèisa es lo Conselh d'aquela glèisa.
Mairilhièrs e mairilhièiras son cargats de çò material.
Çò de fòrt mal comprene es tanben de fòrt mal reténer.
Maldire de qualqu'un o lo calomniar en un pecat gròs.
Una malediccion semblava pesar sus el que lo paralisava.
Cal pas jamai creire als maleficis (als sortilègis / al malsòrt).
Los òmes cantavan lo crèdo a plen gargalhòl (a plena garganta).
Sonar las campanas a brand vòl dire las sonar en grand.
Sonar las campanas a brandol: sonar a brand, sonar en grand.
Son pas espesses (nombroses) los que t'ajudan dins lo besonh.
Qualques còps (de còps) l'òme es un animal rasonable.
D'unas passions descabestradas animalizan los òmes.
Tota persona qu'es antireligiosa fa pròva d'intolerància.
Lo temps o aplana tot: malastres, espròvas, colèras, tristum.
Un archivesque es un evesque màger d'archivescat.
Val mai demorar pas inèrt (inactiu) davant un malparat.
Menar una vida d'artista es pas totjorn de bon far !.
Ton afirmacion i cresi pas, qu'es pas qu'una ipotèsi.
Per servar nòstra lenga nos cal batre de e d'ongla!
La nòstra crotz, coma Nòstre Sénher la carrejam sus l'esquina.
Lo nòstre mond es material. L'autre mond es espiritual.
Un monge viu dins un monastièr (monastèri) d'òmes.
Una monja viu dins un monastèri (mostièr) de femnas.
Una mongeta es una monja jove (una religiosajove).
Una persona monolingua es coma s'aviá pas qu'un braç.
Lo monoteisme es la religion dels qu'adòran pas qu'un Dieu.
Viure una vida monotòna es la se passar plan trista.
Los objèctes que nos enròdan fan partida de nòstra vida.
L'objècte de la vida, per el, èra pas gaira espiritual.
A la messa, l'oblacion es l'ofèrta del pan e del vin de consacrar.
Cercar l'oblit dins la botelha es pas la bona solucion.
Tota guèrra es un masèl (un massacre) vergonhable.
L'esperit amb la matèria s'endevenon (s'acòrdan) pas totjorn.
Tròbi que meandrejas fòrça tròp dins tos rasonaments.
Lo Casimir lor opausèt una objeccion bravament senada.
Un pòble oprimeire (opressiu) espotís sas minoritats.
Viure dins l'opròbi de la lenga nòstra, n'avèm pro !
L'ordinari d'una diocèsi es l'evesque d'aquela diocèsi.
Intrar dins los òrdres vòl dire se far ordonar prèire catolic.
Far las aurièiras (las orièiras) es laurar las talveras.
) ">O mescles pas tot: agacha de rasonar convenablament!
Los diccionaris franceses mesconeisson tròp l'occitan.
Las malfachas de la guèrra degun las poirà pas dire.
La mesolha d'un libre es çò pus essencial dins lo libre.
Una messa bassa es pas una messa grand (una messa cantada).
La messa de mièjanuèch se ditz per Nadal o per Pascas.
Una messa pontificala es una messa cantada per l'evesque.
La messa primièira es la primièira messa del dimenge matin.
Una primièira messa es la primièira messa d'un prèire novèl.
Una messa d'aur es la messa dels cinquanta ans d'ordinacion.
Una messa nupciala es la messa d'un matrimòni (maridatge).
La messa dels mòrts es la messa que se ditz pels defuntats.
Dire o participar a una messa negra es un sacrilègi.
L'òbra mèstra (l'òbra màger) d'un autor es son òbra fòrt capitada.
Un monge se mortifica per domdar (mestrejar) sas passions.
Una mosquèa es un airal de pregària pels mahometans.
Renegar o servar pas sa lenga mairala es quicòm de mostruós!
Un motet de glèisa es una corteta pèça vocala de glèisa.
Sens motivacion òm es pas butat a far grand causa.
L'òbra d'un escrivassièr es sens chuc ni muc (val pas res).
Los Occitans sèm totjorn estats multiconfessionals.
Adonc, los Occitans sèm totjorn estats multiculturals.
Las pinturas muralas son de pinturas sus una paret.
Una parabòla de television es pas una parabòla d'evangèli.
Èra sabentàs, mas fasiá pas jamai parada de son saber.
Ponctuacion e paragrafs son la respiracion d'un tèxt.
La parròquia es la tombada (la carga ecclesiastica) d'un curat.
Renegar lo país que lo renegava ne prenguèt alara son partit.
L'esperit de partit, mesfisa-te, finís que mena al sectarisme.
De Pascas a Pentacosta la Glèisa aluca lo ciri pascal.
Lo nivèl moral de l'umanitat es pas al nivèl scientific.
Lo nivèl dels estudis classics fa pas en ganhant (baissa).
Lo nivèl dels autres estudis s'alèva de mai en mai.
Los nivèls de lenga dependon fòrça dels nivèls socials.
La mòrt o nivèla tot, òmes e femnas, gròsses o paures.
Lo sant Josèp foguèt lo paire noiriguièr de l'enfant Jèsus.
Sèm totes de non-iniciats dins tot un fum de causas.
Una nonenca es una comunitat de monjas dins un monastèri.
Cal pas èsser nostalgic (languinós) del passat ni mai de res.
Un novici es un novelari, o un religiós pas encara profès.
Los que practican plan demandan una messa nupciala.
Los que practican pas se contentan d'una benediccion.
Mai aimi viure dins lo Miègjorn que non pas dins lo Nòrd.
La mitra: capèl de ceremonia d'un evesque o d'un abat mitrat.
Tot es passadís, mas la joventut es pus passadissa que tot.
L'organizacion pastorala d'una diocèsi depend de l'evesque.
l a bèl brieu que lo paternalisme es passat de mòda.
Tot çò occitan es nòstre patrimòni; tot patrimòni es sacrat.
Las òbras literàrias son lo patrimòni del mond entièr.
L'Oscar sas opinions son pas totjorn plan ortodòxas.
La vida es una escòla de paciéncia, l'informatica tanben.
Soi panoccitanista, que tot çò occitan m'aperten de drech.
Aquela vertat ne soi penetrat (prigondament convencut).
Se pensava que lo bonaur e la vida èran bravament passadisses.
Compreni pas los que son a la percaça de las onors.
De percórrer un tèxt d'un còp d'uèlh de lèbre veses pas las decas.
La mòrt perdona pas (sosta pas) degun, ni gròs (ric) ni paure.
Un aprendissatge perpetual (de contunh), aquò's la vida.
La perseverança se pòt pas crompar sus cap de fieiral.
Pesar ma decision (estudiar lo per e lo contra) foguèt de mal far.
Dins lo malastre, cadun se petaça (s'arrenga) coma pòt.
Dieu o me da, que vòl dire Dieu o me dona! es una pregària.
Me damne pas! es pas un renèc, qu'es una pregària.
Qual sap se l'ecologia nos salvarà del malparat (del perilh) ?
Una mena de planetarizacion (mondializacion) es inevitabla.
Baste qu'una guèrra planetària se bolègue pas un jorn !
Ieu o vesi pas tan planièr coma tu (tant aisit coma o veses).
Me sentissi de planpè amb el, qu'es un òme, pas mai.
A la messa grand un mairilhièr (un fabricièr) pas sava lo plat.
Cantavan lo crèdo latin a plec de gargamèla (a plen gargalhòl).
Passèt davant l'autar amb un simulacre de plegament de genolhs.
Plegarem pas de nos batre per aparar nòstra lenga!
Los Occitans sèm un pòble renegat per un autre pòble.
Lo poder central de París a pas quitat de nos afrabar.
La politica francimanda es totjorn estada jacobinista.
Per far de politica cal aver la tripa politica, ieu l'ai pas.
La precaritat de la vida lo tafurava bravament (fòrça).
París a pas una passion predominanta per la lenga ) ">d'òc!
La prefàcia es la partida de la messa just abans lo canon.
Preferissi la vertat a tot çò autre: mai estimi la vertat que ...
Los Franceses son un pauc totes presidents de quicòm.
Lo còrs es la preson de l'arma; e es una preson a vida.
L'archivesque de Lion es tanben lo primat de las GàlIias.
Seriá primordial per un Francés de conéisser l'occitan.
Lo instincts primordials de l'umanitat son pas plan relevats.
Evesques, archivesques e cardinals son los princes de la Glèisa.
Lo pròpri dels sants es l'ofici de la fèsta dels sants.
Me desagrada pas ges d'èsser demorat paure provincial.
Un Provincial mestreja totes los convents de sa província.
Çò provisòri (çò transitòri) dura de còps un brave brieu.
La quaresma es un temps de pregària e de peniténcia.
L'occitan pòt far rampèl (rampèu) a quina lenga que siá.
L'òme es pas mai qu'un raus que dançeja dins lo vent.
M'estirni mai (aimi mai) èsser realista que non pas idealista.
I a totjorn quicòm de bon dins lo rèirefons de qualqu'un.
Religar lo present al passat pòt esclairar l'avenidor.
Las guèrras de religion, mai que las autras, son una vergonha.
D'unes an mai de religiositat que non pas de fe vertadièira.
I a pas cap de remèdi contra la mòrt, qu'es irremediabla.
Los fanfanhons lor drech a la vida es pas evident per totes.
Los Occitans sèm pus republicans que la Republica.
Nòstra identitat residís (se tròba) dins nòstra lenga mairala.
Se cal ben resignar a las obligacions dels cadajorns.
Lo racisme es totjorn a mand de (sul punt de) ressuscitar.
Per èsser perdonat per la Glèisa cal restituir çò panat.
Una persona rasonabla crei pas als revenents (a las trèvas).
Los braves reviraires (traductors) son pas espesses (un fòrça).
Dison que l'òme es lo sol animal que ritz, mas es pas verai.
Ne cal sacrificar, tot un fum de causas, dins la vida!
Sèm totes tròp sadols al regard (en comparason) dels pepidoses.
Cal pas agachar per un trauc de sarralha, que se fa pas.
Me don as una explicacion qu'es pas plan satisfasenta.
Me faguèt un saecula saeculorum (una sensfin) de rasonaments.
Tota mena de segregacion es de defugir, qu'es vergonhabla.
Sentenciar qualqu'un a mòrt, degun n'a pas lo drech.
E perqué lo separatisme seriá pus colpable que l'anexion?
Lo simplisme de tos rasonaments es pas de creire!
Un vertadièr esperit larc es un adèpte sincèr de tota libertat.
De simbòls i n'a tròp per los poder conéisser totes.
La simbolica, de còps que i a, me ven a revèrs (me rebuta).
Dins lo besonh, los encoratjaments simbolics ajudan pas gaire.
Un drapèu simboliza la patria, una balança la justícia.
La sintaxi d'un escrivan es lo rebat de la sia personalitat.
Après l'analisi sistematica cal totjorn far la sintèsi.
Un maridatge catolic valid pòt pas èsser solgut (dissolgut).
La mòrt sòlv (resòlv) fòrça deutes e fòrça problèmas.
Dins la vida, per plan capitar se cal pas sosestimar.
Òmes e femnas sèm sovent mestrejats per nòstre subsconcient.
La subtilitat de sas responsas nos estonèt a totes.
A una vida supernaturala d'unes i pòdon pas creire.
Per aparar nòstra lenga, los Occitans sèm plan tròp tebeses.
Avèm totes tendéncia a far çò mal puslèu que çò ben.
Es un teorician qu'es pas jamai sortit de sa cambra.
La tèsi de la necessitat del terrorisme es indefendabla.
Lo fumar, la dròga, la mòda ... son de passions tirannicas.
Trair (abandonar) sa lenga mairala es trair sa maire.
Las travèrsas de la vida sèm ben forçats de las endurar.
Amb lo temps, tot se trevelís, tot s'abena, tot se passís.
Las tribulacions son lo tribut que devèm totes pagar a la vida.
Dins la vida cal pas crentar de se troçar las margas.
Amb la lenga, se pèrdon tanben totes los uses d'un país.
Es solament en musica qu'una blanca val doas negras !
I a pas res de pus van dins la vida que la vanaglòria.
Non! lo velós d'un persèc val pas lo velós d'un agach !
Per Rampalms, los Catolics verduran las carrièiras.
De promessas bufècas començarai lèu de n'aver un confle !
La libertat es pas de degun, qu'es de totes l o sabes.
Fa plan mal far dins la vida quand as pas la crespina.
Mon paire, passatz-me davant! disián abans de se confessar.
E mai aquò rai l lor caliá totjorn passar davant.
Nòstra lenga mairala es lo moment o jamai de l'aparar.
Es pas la pena de tornar rason a qualqu'un que t'escota pas.
Lo cabestre francés m'a totjorn pesat e me pesa de mai en mai.
Çò pus principal (essencial) es de se batre fins a la mòrt.
Çò pus necessari (indispensable) es de racar pas jamai.
Clergue, foguèt lo pòrtacrotz que menava la procession.
Dediquèt, Maire Teresà, sa vida a Dieu e als paures.
Quicòm d'elemental (elementar) es quicòm de bon comprene.
Un propaus escabrós es un propaus calhòl (indecent, licenciós).
Rasonar coma un esclòp es rasonar mal/rasonar fals.
Los carnièrs dels tempses de guèrra son una vergonha!
La cadena apostolica dels evesques catolics es pas estada copada.
Las santas fonts : las fonts baptismalas, lo baptistèri.
Un estereotipe es una formula banala (una opinion tota facha).
Lo curat nos parlava pas dels estigmatas de l'alcoolisme.
Explicitar quicòm es o formular plan clar (clarament).
Las santas fonts : l'airal de la glèisa que i se bateja.
Lo june quadragesimal èra lo june de la caresma.
Un planta sens rai ces es lèu tressecada, un pòble tanben.
Qué t'a pres de tornar delargar aquela idèa sulfurosa ?
Per d'unes, tota religion es pas qu'una supersticion.
De trencaments de cap (de còpacaps), qual n'a pas?
Ieu, ço ditz, siái pas brica de ton dire, e jamai o serai pas.
Lo curat Artús, quand presicava, jamai non acabava.
Mon propaus es pas brica de te convertir a mas idèas.
Un bescontom es una circomlocucion, una perifrasa.
Lo curat Artús, quand presicava, se desartussava.
Çò amargant me desagrada pas, part l'amarum de la vida.
«Dragar» vòl dire filhassejar o garçonejar.
Tombar a pelhas sus qualqu'un vòl dire lo malmenar.
Un capussat es un dignitari, un grand / una notabilitat.
Al pus fòrt la pelha! vòl dire que lo pus fòrt ganhe.
Nos sèm picats : nos sèm mancats (nos parlam pas mai).
Cercar pimpilhas : cercar bregas e guirguilhs / cercar disputa.
Cercar bregas vòl dire cercar disputa per un pas res.
M'a pogut mai: m'a crestat / m'a agut (es el qu'a ganhat).
Èsser a pelhas amb qualqu'un : se poder pas véser.
Un cap de còla es lo responsable d'una còla (equipa).
Li comandèri de s'enanar sulpic, mas el brandèt pas.
De se presentar de deputat se faguèt plan rire d'el.
Çò que mai lo tafurava èra la crenta d'èsser pas capable.
L'an presentat de deputat, mas a pas la tripa politica.
A propaus de çò que me diguèras soi pas de ton dire.
Lo Canturla trapèt dos ans d'embarrament per sa malafacha.
Agèron quatre mots (s'insolentèron) e mai se tustèron.
E nos aplechèrem (nos arrenguèrem) coma poguèrem.
Fin finala capitèron de s'endevenir (de tombar d'acòrdi).
Cala-te, que ton ombra es plan magra ! (que fas pas lo pes).
Portar la casqueta: èsser lo patron; èsser lo responsable.
Lo drech civil concernís las leis, las règlas d'una nacion.
Quand i a balotatge, cal tornar votar doas setmanas après.
De bargas (guirguilhs, querèlas) n'aviam un pauc cadajorn.
Jòrdi es lo bardòt (la risèia) de totes sos camaradas.
Son pas espesses (nombroses) los que t'ajudan dins lo besonh.
Cal far tirar (publicar) las anóncias abans de se maridar.
La polícia separèt las doas antagonistas(adversàrias).
Far antecambra vòl dire esperar son torn d'èsser recebut.
Aquel patron es totjorn estat mai o mens antisocial.
An capitat de s'endevenir (de tombar d'acòrdi / de s'entendre).
Consí quicòm se tornèron petaçar (se reconcilièron).
A las adultèras las apeirassavan (las desrocavan / las lapidavan).
Sabi que me pòdi fisar de tu (que te pòdi far fisança).
Aprèsta-te (prepara-te) a èsser criticat, que o seràs !
Me faguèt una capelada: me saludèt d'un còp de capèl.
Un capelat: un capelut, un capussat, una notabilitat.
Los dos se pòdon pas compatir (suportar) un a l'autre.
As pas un pauc vergonha de ta complasença servila ?
Dins lo malastre foguèt fòrça confortat per sos amics.