Skip to Content
Rojairòla de bon matin, auràs la pluèja al vespertin.

Recèrca per categorias

Categorias
provèrbis
Òm pòt pas tuar tot çò gras !
Pan gran-d'alhat, manjar mannat!
Qui semena tròp clar, pòt pas gaire culhir espés.
Qui a las cauças traucadas que las se petace al pus lèu !
Las estèlas revèrtan lo soc.
Qui beu agre escopís pas doç.
Un pastís de lèbre val mai que se trobar dins un brave pastís.
Las injúrias del temps marcan personas e bastiments.
Òme magre o òme gras, la Mòrt ne fa pas jamai cas.
Aquò se farà quand las galinas pissaràn.
Qui lenga a, a Roma va.
Qui mocava pas lo calelh, lo calelh se trufava d'el.
Qui degalha son capital pren lo camin de l'espital.
Es per temps de Carnaval que s'apària lo rafatalh.
Qui te coneis, que te crompe.
Per Nòstra Dòna Candelièira, para lo prat de la ribièira.
Per Nòstra Dòna de paraprat, para ton prat, para ton prat.
Qui demòra dins son codèrc se res non ganha res non pèrd.
Tot çò manjat cagat serà.
Pas cap de mes de febrièr sens cap de flor d'ametlièr.
Lo mercand que dobla pèrd pas, lo que tripla ganha.
Qui pauc semena pauc culhís, qui semena pas culhís pas.
Lo mainatge qu'es al piquet, condemnat es a far pinquet.
Val mai petaç que traucàs.
La messa ni mai la civada te retard an pas la jornada.
Vas a la tièira sens argent, bada la gorja e torna te'n !
"Quod a natura est" : se desraba pas coma un genèst.
Es la femna que fa l'ostal.
Una femna, coma la tèla, se causís pas a la candèla.
Las agaças fan pas de cocuts, ni mai los bartasses d'escuts.
La sopa d'alh, se fa pas ben, pòt pas far mal.
D'ont mai estrenhes l'anguila e d'ont mai fa gilha.
Pòdes pas ensenhar a tos parents a far de mainatges.
Nèu de febrièr val femorièr.
Lo que bastís se regaudís, mas son esquipòt ne patís.
Encapa-te que per temps de famina lo bren val farina.
Ausir, véser e se calar es sovent plan de mal far.
Val mai aquò qu'un còp de ròc per l'esquina de la camba!
Tripon, femna e cambajon, en tota sason es plan bon.
Amb de bon pan e de bon vin, s'acorcharà lo long camin.
Del divendres l'aigabolida te donarà pus longa vida.
Amb una sietada d'alhada, agror d'estomac es dalhada.
Se rasonas coma un esclòp, poiràs pas capitar enlòc.
Per Sant Luc, nèu sul truc; per Totsants, nèu pels camps.
Mai bladeja, junh feneja.
La ceba de Lesinhan es tant doça coma lo pan.
I a pas de Carnaval que non i aja luna tornal.
Ocupa-te del teu topin, non pas de lo de ton vesin!
Entre totes o avèm tot, entre totes o sabèm tot, entre totes o podèm tot!
Qui s'engana e se'n recòrda, se merita pas la còrda.
Pren la filha de ton vesin, que coneisses ja lo seu sin.
Lo solelh que se colca rossèl, l'endeman se mostrarà bèl.
Brava femna dins l'ostal val mai que bòria e cabal.
Lo temps val d'argent.
Beure coma un trauc de talpa.
Dura, plan dura la mòrt, que pren lo feble coma lo fòrt.
Cal pas donar de temps al temps, que lo cal prene coma ven.
En abrial quites pas un fial, en mai fai çò que te plai.
Los amics, coma los melons, fòrça de falses, pauc de bons.
Tal se ritz del mal del vesin qu'a lo seu mal ja en camin.
Pas de dissabte sens solelh, ni cap de vièlha sens conselh.
Quand lo solelh se regarda, de pluèja o de vent pren-te garda.
Cada cat e cada can bolèga sa coeta a sa fantasiá.
Qui a dos pòrcs a la sal, pòt far brave Carnaval.
L'òme que trabalha prèga, qui trabalha pas renèga.
Una femna, coma un barral, d'ont mai trabalha d'ont mai val.
Se vòls prene una filha bèla, causigas pas a la candèla.
Pel meissant coma pel bon, Dieu asaga la meisson.
Te'n fagas pas, que d'ont mai te'n faràs, d'ont mai patiràs.
Òme rusat coma guèine, jamai coneis pas la gèina.
Ieu ai plan lo mal de vos, qu'aimi pas çò qu'es tròp doç.
Se t'arrapas pas per l'escala, riscaràs pas de ne tombar.
Passar d'esclòp a escarpin fa pas totjorn l'òme pus fin.
Quand a l'espital anaràs, de ton ostal te ploraràs.
Qui s'estira abans dejunar a pas prèssa de trabalhar.
Çò que femna vòl, Dieu o vòl e plan sovent l'òme se'n dòl.
L'òme es de fuòc, la femna d'estopa, e lo diable bufa dessús.
Qui manja gras e pilha-bilha, cada còp son fetge se quilha.
Las filhas d'aicí an un fangós, las de luènh los an totes dos.
Maire d'ostalada, primièira levada, darrièira colcada.
La polalha s'engagina quand lo vin es dins la tina.
Pèla la pera a ton amic, lo persèc a ton enemic.
Qui dins d'abòrd ganha, fin finala s'escaganha.
Ont i a de fum i a de fuòc, que i a pas de fum sens fuòc.
Siái, ieu, fach de fust de fraisse, qui me vòl pas que me laisse !
Se volètz mestrejar un fòl, penjatz-li una femna al còl.
Qui te flata mai que non sòl, enganat t'a o t'enganar vòl.
Qui pissa regde e peta sec, pòt encara tetar lo lec.
S'es pas lo temps es la mòrt, totes dos règlan lo mal sòrt.
Lo temps o adoba tot: malanança e mai malasòrt.
Lo maltemps dura pas totjorn, que la mòrt li règla lo sòrt.
Agacha plan de tuar lo temps abans que el te tue a tu.
Val mai téner qu'esperar, esperar que se rosegar.
Qui jamai comença pas res, acabarà pas jamai res.
Val plan mai un que sap que non pas cent que cèrcan.
Beata de glèisa pòt plan èsser diablessa d'ostal.
Qui a de biais se'n servís, mas qui n'a pas ne patís.
Lo tròp es tròp, lo pauc pas pro, que cal çò que cal.
Se res pus non veses venir, ataca-te als ceses canins.
Momenton de vergonha passa pus lèu que la ronha.
Tota ròsa qu'es pas culhida se rafís e ven gratacuol.
Tota filha qu'es pas causida, filha vièlha vendrà un jorn.
Can que japa mordís pas.
Pus bèstia que la bèstia es lo que prèsta sa bèstia.
La carreta gasta lo camin, la femna l'òme e l'aiga lo vin.
Qui volonta pas l'eretatge, que gète al fuòc lo « testatge ».
Lo vin balha l'esperit, mas tanplan lo dosta al pus fin.
Val mai un « Tè ! » que non pas cent « Espèra l»
D'ont mai bona la tèrra, d'ont mai d'ela òm espèra.
Aur, vin, amic e servidor, lo pus vièlh es lo melhor.
D'ont mai grassa la feda, d'ont mai a de pats.
I n'a pas per se trufar quand tròn de las seunas fa.
Per Sant Martin, l'auca al topin.
Aquò's pas ni tu ni vos, ni cabra ni boc, ni figa ni mai rasim.
Cocut, banut, cornut, pipa traucada, vin fotut.
A brave maçon, tota pèira li fa canton.
Dos plasers preses sens pecar son lo pissar e lo cagar.
Entre la cosina e l'aiguièira coneisseràs la cosinièira.
Val mai se fisar del fabre que non pas del fabrilhon.
Lo que bastís e se marida, a la borsa fòrt aplatida.
Lo que non jòga, se res non ganha, pas res non pèrd.
Las tèrras càmbian de pagés, mas de plaça càmbian pas ges.
Lo paire que filhas a, de las autras pòt pas malparlar.
Lo que d'amoras vòl culhir, los romegasses deu obrir.
Se bolègas de rocasses, soven-te que son brutalasses.
Ara podèm plan dire amèn, que per la coa lo tenèm.
Femna se planh, femna se dòl, es malauta quand o vòl.
Tant que petas, cagas e pissas, siás pas sul pas de la mòrt.
Se parlas figa al sordanha, el tanplan te respond castanha.
Far Pascas abans Rampalms es vendemiar abans las cridas.
Valriá mai comandar pas, paur de se maridar pas.
Òu l'òme, per Sant Martin, mena donc ta cabra aboquir.
Entre vesins e vesinas l'òm se pòt prestar las aisinas.
Se jamai ma tanta n'aviá seriá mon oncle, ça disiá.
Quand lo cat i es pas, trepan las mirgas al galatàs.
Se maca pas amb las aurelhas, e sap pas çò qu'es una selha!
Al jòc, al lièch e al vin l'òme finís que ven coquin.
Dison qu'ostal adultèra, jamai jamai non prospèra.
Fai un brave regalèmus, que te cambiarà dels orèmus.
D'ont mai la mèrda se bolegarà, d'ont mai pudirà.
Lo que bolèga la mèrda, que la se senta e se n'emmèrde !
Çò que femna vòl Dieu o vòl; çò que volonta o volonta.
Cada aucèl tròba son nis bèl; cada aucèla son aucèl.
Qui perdona, Dieu li dona; qui condamna, Dieu lo damna.
Se balhas trabalh a prètzfach, plan sovent serà plan mal fach.
Se vòls aprene a plan pregar, es sus mar que te cal anar.
Ont i a de pan e de vin, lo quiti rei i pòt venir.
Rojairòla de bon matin, auràs la pluèja al vespertin.
Quand un can japa quicòm i a ; se japa pas, res i a pas.
As enveja de trompetar, quand ausisses lo tròn petar?
Pòdes far ton asenada, que vergonha es lèu passada.
Vin sus lach santat; lach sus vin fa morir.
La persona que pèrd son ben, plan sovent pèrd tanben son sen.
Un ben sens ges de cabal, es campana sens batalh.
A lo mal d'un uòu que bolís, d'ont mai botís, d'ont mai durcís.
Roge d'amont emplís la font, roge d'aval fa susar lo caval.
D'ont mai pudís lo boc, d'ont mai la cabra l'aima.
Lo temps, la costuma o la mòrt banalizan fòrça causas.
Luna mercruda, femna barbuda, prada mofuda, cada cent ans i n'a pro d'una.
Lo pan dur da pers. del sing. Ten-lo coma cal. ">ten l'ostal segur.
Per un pet o una vessina, refusèsses pas ta vesina.
Maire pietadosa fa filha ruscosa.
Planta ta vinha de tot plan, que la vendemiaràs cada an.
Cada eiretièr cal que se plante son pomièr.
Qui se prutz que se grate, e que se grate ont se prutz !
Vent de montanha quand ritz reganha.
Trocha amantastada, trocha tastada.
Qui cèrca tròba, qui tròba pròva.
Las galinas pònon pel bèc.
Aver lo pan e lo cotèl: aver totes los atots / o aver tot per capitar.
Vent de montanha quand ritz reganha.
Femnas joves e ensalada son pas jamai pro remenadas.
Bona fogassa, fòl qui se'n passa!
Fa pas bon languir sens véser venir.
Tròp enantir e capitar plan, s'endevenon pas tròp plan.
A manjat son crespin e mai las alzenas : o a tot despensat.
Maire tròp pietadosa, filha rascosa, tinhosa, ernhosa.
Recòrda-te d'aquela, segon que faràs tu, a tu te faràn.
Desfisa-te d'un can que japa pas!
Qui petaça, son temps passa.
Qui per Nadal se solelha, per Pascas al fuòc s'estorrelha.
Qui bèu agre, escopís pas doç.
Cadièira desempalhada revèrta femna despenchenada.
Lo vent marin es coquin, que quand ritz traís.
Catàs miaulaire, meissant caçaire.
Per Santa Magdalena, la notz es ja plena.
Quand los cans butan mentisson pas, qu'acotisson totjorn quicòm.
Quand quicòm fa question se cal totjorn metre a soscar.
Res de celat que non siá un jorn decelat.
D'ont mai veniá vièlha, d'ont mai apreniá e morir non voliá.
Quand es marin, pluèja en camin.
Femna muda, jamai batuda.
Luna empargada marca la pluèja.
I fa coma un emplastre sus una camba de fust!
Cèl emporprat a solelhcolc marca calor per l'endeman.
Crentós de natura, risca pas aventura.
Totas las flors finisson que se marfisson.
Mesfisa-te del, que seriá capable d'enganar un guèine!
Lo mal manjar e lo mal dormir, tot aquò fa fòrça patir.
Dieu fa plòure suls bons tan plan coma suls meissants.
Quand beleja se cal pas sosplujar jos un arbre.
Al jorn del darrièr Jutjament, tant valrà mèrda coma argent.
Entre lo jorn e la nuèch i a pas de paret.
Tant val partir de la foira coma de l'esquichament.
Qui non fotja quand pòt, non fotja quand vòl.
Qui çaganha maganha: tot çò que fa es caganha.
Lo solelh miracula tot, las tenèbras coma los òmes.
Adreça passa fòrça; èsser abiaissat servís fòrça.
Val mai èsser passible d'un verbal que passible de mòrt.
Quand passan las palombas se delarga una guèrra grand!
Quand las galinas pissaràn, lo diable, el, se farà curat.
Qui fa piu-piu viu un brieu.
A d'argent coma un can de nièiras.
Cèl platelat, femna fardada son pas de durada.
Mars se plora, mars se ritz, qu'es catonèl o eriç.
Quand l'alba punteja, de la negror de la nuèch se neteja.
Lenha seca e pan caud tenon l'ostal plan regaud (content).
Mai val lo rèiremargue que non pas lo margue.
Rememòria-te de ta jovença, comprendràs melhor tosjovents.
Fais plan ligat, mièg carrejat.
Òm pòt pas contentar tot lo mond e son paire.
Qui sibla a taula e canta al lièch es fat a mièg. (mièg caluc)
D'ont mai òm se fa vièlh, d'ont mens òm ven mèl.
Quand òm a de mal temps, òm pòt pas prene de bon temps.
Filha trotièira e fenestrièira la te crompes pas a la tièira.
Abril brumós e Mai umorós fan Junh floretós.
Qué cal patir per venir vièlhs e crebar magres !
La mòrt coneis pas degun.
Entre totes o avèm tot, aital va la vida, qué far aquí mai?
Tubas sus Camarés, bel temps pel pagés !
Biais passa fòrça que l'adreça i fa un fòrça.
Entre totes o avèm tot, e la mòrt nos espèra a totes.
Asenada de mètge la tèrra l'amaga lèu fach.
Blat gorgolhat, mercat mancat : blat gorgolhut, mercat fotut.
L'òme, quand t'escompissaràs, plan caumosit seràs.
Mai val un sol escrich que non pas cent promessas.
La mort nos tuteja a totes.
Qui d'autrú vòl mal parlar, que s'agache, se calarà.
Entre Martror e Nadal, las culhidas dins l'ostal.
Trempatz un panièr dins l'aiga es tot plen, tiratz-lo de l'aiga i a pas res.
Quand plòu lo dimenge abans la messa, tota la setmana se'n pessa.
Ase de natura qui sap pas legir son escriptura.
Quand la luna torna al bèl, dins tres jorns pòrta capèl.
Se canta, que cante, canta pas per ieu!
L'aiga passada jol pont, torna-la trapar, luron !
Aiga mòrta fa meissant riu, que çò qu'es mòrt es pas viu.
Dins de Santa òtain) ">Catarina a Nadal, lo jorn es un pauc egal.
Per Sant Vincenç, la binada, per SantJoan, la granada.
L'autan de la nuèch passa pas lo puèg, mas lo del jorn dura nòu jorns,
Per Sant Vincenç, l'ivèrn se pèrd una dent.
Arquet del matin, la pluèja es aquí; arquet de mièjorn, pluèja tot lo jorn.
Arcolan del matin, pluèja tot lo matin; arcolan de mièjorn, pluèja tot lo jorn.
Bisa reganhosa, dins tres jorns ploviosa.
Amb la bisa, lava ta camisa; amb l'autan, còi ton pan.
Lo badar pòt pas mentir: vòl manjar o vòl dormir, o vòl dire se languir.
D'ont mai trabalha un barral, d'ont mai val.
Qui d'un brave amic se farà, per totjorn, plan se'n trobarà.
Las cambrièiras an pas qu'un mal, escampilhan secrets d'ostal.
Bona bòria e marrit borièr arrengaràn pas l'eretièr.
Dos polits jorns per l'òme, sus tèrra: lo jorn que la pren e lo jorn que l'entèrra.
Qui al dessús de son trauc vòl petar, ni per forçar poirà pas capitar.
Qui dels autres vòl mal parlar, que s'agache, se calarà.
I a pas de venjença pus brava que mespresar e se calar.
Qui dona sos bens abans de morir risca plan de patir.
Cap d'ivèrn serà pas passat que luna d'abril aja trespassat.
Quand lo nas raja, lo cuol susa pas; mas quand fa plan caud fa canal.
Lo savi a d'uèlhs per las tripas del cap, lo falord dins la nuèch camina.
Pus caput e pus fòrt es l'enclutge que non pas lo martèl.
Los cosins totjorn plaser fan, quand arri ban e quand se'n van.
Quand as fach un tròp gròs banquet, l'endeman te cal far pinquet.
Lo guèine qu'es pas matinós a pas sovent morre plumós.
Val mai gardar cent fedas per un prat qu'una sola filha que o a tastat.
Lo trabalh fach li fa pas paur, lo qu'es de far lo fa tremblar.
Se la cabra sauta dins l'òrt, son cabrit que o fa a pas tòrt.
Cada topin tròba sa cabucèla, cada òme ric sa domaisèla.
Lo gal, per lo qu'a la crespina, fa tantes d'uòus coma la galina.
Donar als paures apaurís pas, pregar Dieu desajuda pas.
Fòrça ans e barba grisa son pas brava mercandisa.
As besonh de ton vesin, s'es pas lo vèspre es lo matin.
Trabalhar fèrm fa pas morir, e far pas res te fa languir.
Quand dins un malpàs seràs, tira-te'n coma poiràs.
Cal manjar per viure e non pas viure per manjar.
Gran de milh davant galina a totjorn tòrt.
Feda davant ors o lop a pas jamai rason.
Ni per tirar la palha corta, lo paure jamai ganha pas.
Vent de Rampalm soventeja tot l'an.
Qui a pas de cerièiras, que s' acontente de secons !
Çò que te fa sofracha, i penses pas; pensa a çò que as.
Qui a de biais se'n servís ; qui n'a pas ne patís.
Lo que se grata ont se prutz fa pas jamai tòrt a « degus ».
Fum de comba ten-te a l' ombra, fum de puèg ten-te al lièch.
Jamai l'aboriu demanda pas res a l'estiu.
Val mai sonque palm de bois que tres canas de canavera.
Quand la davalada s'espandís, lo fulham dels arbres ne patís.
Lo dalhar e lo segar fan que la vida es un crebar.
Un rol de fraisse sinut, fins a la fin fa lo caput.
Te crèbes pas tot arrèu, mas fai la pausa pro lèu.
Se t'enganas dins un romegàs, per te'n sortir benlèu trimaràs.
L'amor es abucle, mas lo maridatge li torna la vista.
Grana de gram fa pas que gram, fa pas jamai de civada!
Se vòls far fièira, pren ta panièira !
Quand n'avèm ne profitam, quand n'avèm pas no'n passam.
Per Santa òtain) ">Catarina, tot çò plantat pren racina.
Per Nòstra Dama de Candèla, l'ivèrn s'apàsia o recadèla.
Per Nòstra Dòna Candelièira, l'ivèrn s'acaba o s'enfalsièira.
Quand las tubas s'espandisson, totes los contorns patisson.
Quand lo temps tubeja, solelh non clareja.
Quand las comb as tubassejan, sovent los puèges clarejan.
Quand lo freg en febrièr soventeja, Marcamal cada còp se passeja.
Enfant de ) ">cocut carreja de sang de ) ">cocut.
Jamai un lop serà pas lop per autre lop.
Quand òm se marida, plòu blat e farina; un còp maridat, siás encordelat.
Tres topins davant lo fuòc, la fèsta; tres femnas per un ostal, la pèsta!
Qui petaça, son temps passa; qui temps passa, se petaça.
A guèine sadol parles pas rasims.
Qui quequeja canta plan; qui garreleja sap dançar.
Per pagar e mai per morir, esperar fa pas res perir.
Çò que para del freg para del caud.
Es sonque pluèja de cocut: tanlèu plogut tanlèu eissut.
Quand sibla lo mèrlhe, sa mèrlha coa.
Degun es pas jamai a l'abric de l'infortuna.
Se cal ben acostumar als revirals de la vida.
De desavènis, qual n' a pas aguts dins sa vida?
Lo desaven, se lo mestrejas, fa de ben.
Degun sap pas consí farà quand l' espròva lo tocarà.
Bufa de bufa, tot es bufa!
Val mai lum que non pas negrum.
Mai val s'encrancar a de romes que non pas a d'aram crancut.
D'ont mai l'òm ven vièlhs, d'ont mens l'òm es mièlhs.
Quand mènna lo jorn, perpensi totjorn.
Perpensar a la mòrt fa soscar lo pus fòrt.
Mai val morir en bona santat que non pas malaut.
Lo sovenir se pèrd dins la nuèch dels tempses.
Lo bonur, ailàs! es pas ges de durada!
Efemèra la glòria terrèstra, que morís quand tu.
L'esperit es prompte, mas la carn es febla.
Quand quicòm fa question, se cal metre a soscar.
La femna es pus penetranta que non pas l'òme.
Las femnas rai ! que se'n tiran melhor que non pas los òmes !
Aimaràs autrú coma t'aimas tu.
L'argent rai, qu'es la santat que prima.
Se cal pas noirir de regardèla dins la vida!
Quand òm es en sofracha, ont es l' amic que t' agacha?
Çò après per còr se pòt decorar de per còr.
Uèlh per uèlh dent per dent, mas demòras perdent.
Quand beleja, que degun non cambege.
Anhelons e drollons aiman de trepar, los lurons !
Totes sèm per morir, i podèm pas res, veja aquí!
Cal vendemiar quand se vendemia.
Quand la vida es un crebar, tant valdriá crebar!
I a un temps per dançar e un temps per plorar.
Quand la nivol es comola escampa de pluèja coma ola.
Amb lo vin la vida se ritz, e l 'argent o petaça tot.
Del costat del margue, la fòrça !
Çò que foguèt, aquò serà ; çò que se faguèt se farà.
Escampa ton ben sens comptar, fin finala te tornarà.
L'uèlh n'a pas jamai pro, ni l'aurelha tanpauc.
Mai val pregar Dieu que non pas un sant.
Plan caluc es un pissavinagre, sap pas que mèl passa vinagre.
L'argent o petaça pas totjorn tot.
Çò encrocat encrocat demòra, çò que fa defaut fa defaut.
Tot ven de la posca e tot en posca tornarà.
De paraulas, tot un fum; de trabalh, pas un fòrça!
Aquò se vei coma lo nas sul morre.
L' òm es pas a nòças cada jorn !
Una femna e un aucat, i n'a pro per un mercat.
Un lop fa pas un anhèl, ni mai una vaca un porcèl.
Un òme qu'es mal maridat, tant valriá que siá penjat.
Tota bona es luna rossa, o alara tota gossa.
Auratge de setembre marca la nèu per decembre.
I a pas jamai res de nòu jol solelh.
D'ont mai savi te faràs, d'ont mai patiràs.
Triple fial peta pas sulcòp.
Lo tròp soscar fa somiar, lo tròp parlar desparlar.
Mai val prometre pas que non pas téner pas.
Mai nòl bon renom que non pas òli bon.
Moscas dins òli nolent lo mudan en òli pudent.
I a un temps per sarrar e un temps per getar.
Tal asimat non agusat, amodarà trabalh forçat.
Un ric s'estima pas jamai pro gròs.
Los gròsses s'engraissan totjorn sus pichons.
Lo gròs, de n' aver pro, dormís pas melhor.
Longa paciéncia val mal qu'insoléncia.
Qui cava traucàs, i cabussarà.
Qui tomba paret, fissar se farà.
Qui desraba clapàs, i s' afrabarà.
Qui ascla rocàs, lo s'asclarà.
Lo caluc se crosa los braces e se'n va cap a de jorns traces.
Plòu, plòu, plòu : la cata fa l'uòu, s'envòla lo buòu!
Tant que farem aital cromparem pas de bòria!
L'arbre tomba totjorn del costat ont penja.
Se lo teu prat es fòrt mossut, comptes pas tròp sul revengut.
Se bastisses sus la gravena, pèrdes ton temps e mai ta pena.
Dins de Martror fins a Nadal totas las viandas dins l'ostal.
Amor de fraire val pas gaire, amor de sòrre val pas un pòrre.
Quand per Nadal te solelharàs, per Pascas, lèumens, te torrelharàs.
De santa òtain) ">Catarina fins a Nadal pòdes comptar, trentajorns fa.
Es la matinada que fa la jornada: matinada cortina, jornada cortina.
Aquò marca mal e va mal quand la galina fa lo gal.
Nèu de febrièr, ni mai lebrièr.
Tant mai val lo pastre, tant mai lo tropèl.
A paire amassaire, enfant escampaire.
Filhas de maridar, fotut tropèl de mal gardar.
Los òmes rai, que son pas de plànher, se'n tiran melhor.
Las bèstias crèban, las abelhas morisson.
Un còp èra, i aviá ... Clic-clac, mon conte es acabat.
Quand mèrman los jorns, se sarra mon còr.
Jamai partent per far la guèrra!
Lo sovenir se n'es perdut dins la nuèch dels tempses.
Perpensar a la mòrt (soscar de la mòrt) fa pas morir pus lèu.
Prene lo temps de qualqu'un lo desajuda bravament.
Esperar sens véser venir, èsser al lièch sens poder dormir son doas caus as que fan morir.
Quand per Sant Medard plourà quarantajorns de bard i aurà, se Sant Barnabè li ven pas copar lo pè.
Una filha, brava filha; doas filhas, pro filhas ; tres filhas, tròp de filhas ; quatre filhas amb la maire, cinc diablassas contra lo paire.
Per Sant Jòrdi semena ton òrdi, per Sant Robèrt aja-lo cobèrt, que per Sant Marc es tròp tard.
Lo que vòl relòtge manténer e ostal vièlh entreténer, femna jove contentar, parents paures ajudar es totjorn a maganhar.
Lo bonaür, ailàs! es pas de durada.
Aimaràs ton prochan coma t'aimas a tu.
Li cantam lo requièm : a pagat, nosautres devèm ; es lo moment de dire Amèn.
D'ont mai galinas, d'ont mai pepidas, d'ont mai pepidas d'ont mens d'uòus.